Dili lang ang El Niño phenomenon ang gipangdaman sa National Grid Corporation of the Philippines kon NGCP.
Sa interview sa RMN Malaybalay ngadto kang Mae Roselle Curiano, ang North-Central Midanao Corporate Affairs and Public Relations Department Officer sa NGCP gibutyag niini nga nangandam usab sila sa umaabot nga National and Local Election sa umaabot nga May 13 ning tuiga.
Gibutyag ni Curiano nga ilang gisuguro nga sa karon nga available ang ilang mga gamit kung adunay mga panghitabo nga wala laumi, andam sila aron mabalik ang linya sa kuryente aron dili mabalda ang pagpahigayon sa eleksiyon.
Matud niya nga ilang nang gipangbutang ang mga spare parts, insulators ug uban pang gamit didto sa mga strategic nga mga dapit.
Gidugang pa niini nga ila nang gihimo ang mga maintainance activity aron wala na silay himoon nga maintainance activities usa ka sa semana sa dili pa ang eleksiyon hangtod kini gikinahanglan gayod.
Panawagan usab niini sa mga nanag-iya sa mga kahoy duol sa linya sa kuryente nga mutambong kung adunay mga seminar ug pagbansay-bansay nga himoon sa ilang lugar aron dili kita makasinati ug mga power interruption panahon sa piniliay
