Davao City – Panahon na aron hingpit na nga bungkagon ang National Housing Authority (NHA) tungod sa wala’g tuo nga isyu sa kurapsyon sa mga proyektong pabalay alang sa mga biktima sa kalamidad sama sa Comval Province.
Ang ka-inutil sa mga opisyal sa pagtuman sa mandato sa NHA ug ingon man isyu nga kurapsyon igo na aron papason sa hingpit ang buhatan, segun ni TUCP-ALU Spokesperson Alan Tanjusay.
Ang ka-substandard ug kadugay matunol sa mga housing units ngadto sa mga benepisaryo buhing basehan nga gibalot og grabe nga kurapsyon ang NHA, sumala ni Tanjusay.
Ehemplo niini, ang Pabahay Project sa Comval ug Davao Oriental nga gihatag sa mga biktima ni bagyong Pablo 2012 kung asa susama lang ang reklamo sa ka-substandard sa mga units nga ilang nadawat.
Dugang pa ni Tanjusay nga panahon na usab nga undangon na sa gobyerno ang lowest bidder ug sub-contracting scheme nga maoy hinungdan ngano sub-standard ang mga proyekto sama sa pabahay project sa NHA.
Ang NHA natukod sa panahon sa rehimeng Marcos niadtong Hulyo 31, 1975 ilawom sa Housing and Urban Development Coordinating Council.
Panahon sa Marcos Government, ang NHA daghang nahimong pabalay nga napahimuslan sa mga Pilipino apan sukad milingkod si kanhing Pres. Cory Aquino isip pangulo hangtud sa anak ang mao nga buhatan inutil na sa tahas alang sa mga kabus.
RadyoMaN Joel Viray
