NHA ngan kontraktor hini, plano nga pasakahan hin kaso han Committee on Housing

192

Nagdesisyon na an Committee on Housing and Urban Development nga ira igrerekomenda nga pasakahan hin kaso an mga kontraktor han mga pabalay ilabi na an ha Hernani, Eastern Samar ngan an National Housing Authority o kun NHA. Mag uupat na katuig an nakalabay han paglasurbo han Supertyphoon Yolanda ngada yana waray la gihapon katatapos ini nga pabalay han gobyerno.
“If we should put people in jail, we will put you in jail” Siring ni Cong. Ben Evardone Representative han Lone district han Eastern Samar.
Durante han Public hearing ha Tacloban, sumala han Committee on Housing and Urban Development nga grabe iton korapsyon ngan anomalya hini nga mga pabalay rason kun kayano diri ini matapos tapos han JC Tayag builders ngan NHA.
Durante han ocular inspection, nakit-an gihapon han Committee nga substandard ini nga mga pabalay. Sanglit an grupo han mga nabiktima han bagyong yolanda in nagprotesta ha gindumara nga public hearing.
Igrerekomenda han Committee nga pasakahan hin kaso nga criminal niglegence an National Housing Authority ngan an kontraktor nga JC Tayag builder.

Facebook Comments