Mipahimangno ang National Intelligence Coordinating Agency (NICA)-X sa mga pulitiko, negosyante ug laing uban pa mahitungod sa pagpangilkil kon extortion sa New People’s Army (NPA) ilabi na sa Bukidnon ug sa laing dapit sa Rehiyon X.
Kini ang gisulti ni NICA X Regional Director Manuel Orduña atol sa RMN DXMB Malaybalay Interview.
Sumala niya nga mamahimong mureport diritso sa mga otoridad ang mga nakadawat ug hulga sa pagpangilkil aron malikayan ang dili maayong panghitabo.
Gidugang pud ni Orduña nga magatubag sa balaod ang kinsa man ang mapamatud-an nga naghatag og suporta o ayuda sa NPA.
Sa pagkakaron, kapin 50% sa mga suporta o ayuda nga nadawat sa mga sa NPA sa tibook nasud pinaagi sa pagpangilkil kon extortion naggikan sa isla sa mindanao.
