Night market vendor gikawatan ug gipatay

Davao City – Patay ang usa ka night market vendor kinsa nakaplagang nagbuy-od ug nabulit na sa iyang kaugalingong dugo sulod sa iyang boarding house nahimutang sa Guerrero Sreet. Brgy 29-C ning siyudad sa Davao.

Sa report gikan Sta Ana Pnp ang biktima naila sa pangalan Narry Tunan, 26 anyos, nitibo nga taga Jose Abad Santos Davao Occidental samtang ang suspek nga mipatay sa biktima nailang Charlie Tungol, 18 anyos nga taga Malita Davao Occidental.

Sa imbestigasyon sa kapolisan sa Sta Ana, sumala sa kalive-in partner sa biktima nga si Perla Ferando, milakaw kini sa ilang gipuy-an diin ulahi niyang nakit-an ang suspek nga kauban ni Narry apan nakurat na lamang kini dihang pagbalik niya sa boarding house pasado alas-6 sa buntag wala nay kinabuhi ang iyang kapuyo.


Sa gihimong parallel investigation sa SOCO Team, nasayran ang biktima nakaangkon og samad sa ulo nga bahin ug gituohan nga gibunalan kini gamit ang magahi nga butang resulta sa iyang kamatayon.

Sa gihimong inventory sa SOCO gamit sa biktima nasuta nga nahanaw ang usa ka cellphone,alkanysa nga dunay sulod nga sinsilyo nga mokantidad og 9,000 mil ug laing pang salapi gikan sa biktima nga mukantidad og kapin P1,000.

Matud pa sa mga silingan nga nakit-an pa ang suspek didto sa dalan sa Juan luna sakop sa maong barangay nga nagdala og back pack ug usa ka cellophane nga dunay sulod nga sinsilyo.

Ang patayng nga lawas sa biktima gidala na sa Angel Funeral Homes sa dalang F. Torres ning dakbayan ug nsayran nga wala pa kini maimbalsamar gumikan wala pay kabanay nga nipatim-aw.

Samtang ang kapolisan sa presinto uno naglusad na og manhunt operation aron madakpan ang suspek nga mipatay sa biktima nga karon nagpabilin pang gawasnon.

RadyoMan Don Pulayao

Facebook Comments