Permanent mobile number, OK sa netizen

Davao City – Mas mamahimo sumala pang gawasnon ang mga konsumante nga makapili sa ilang mobile service provider kung hisgutan ang kalidad, presyo ug unsa mang konsiderasyon nga dili na kinahanglang mag-ilis pa og mobile number.

Kini ang reaksyon ni Crislie Remis, usa ka internet user nga taga Brgy. Tamia, Compostela, ComVal Province sa pakighinabi sa DXDC RMN Davao human nga gilagdaan ni Pangulong Rodrigo Duterte ang Republic Act 11202 o ang Mobile Number Portability Act bag-ohay lamang.

Matud pa ni Remis nga makatabang usab sa privacy sa usa ka tao ang permanent mobile number diin mamahimong malikayan ang pagkabiktima niini sa unsa mang scams ingon man sa krimen.


“Isa sad nga ginakuhaan og importansya sa tanan ang postpaid holders. Dapat pati sa prepaid users din kay isa sa mga krimen ug scams ang nagsugod sa mga prepaid users. Walay privacy ang sim na mapalit nimo.” segun niini.

Nasayran nga ilalum sa maong balaod, mamahimo na usab nga mubalhin ang mga subscriber sa ilang mapili nga subscription o gikan sa postpaid padulong sa prepaid o kaha gikan sa prepaid padulong sa postpaid nga dili na usab kinahanglang mag-ilis og mobile number.

RadyoMaN Kirby Manzon

Facebook Comments