Hongkong – Ginsugata sang mga tear gas kag water cannon ang nilibo ka mga persona nga nakig-isa sa hublag-protesta sa Hong Kong bilang pagkontra sa ginaduso nga national security law sang China sa nasambitan nga syudad.
Naglapta ang mga naga-protesta sa Causeway Bay kag Wan Chai samtang ang iban naman ang nagbutang sang harang sa mga dalanon.
Bilang paandam, nag-alsa anay sang asul(blue) nga flag ang mga kapulisan sa Hongkong antes maghaboy sang tear gas sa mga tawo nga nagatilipon sa guha sang Sogo department store.
Isa man ka armoured vehicle kag water cannon ang naglibot sa Hennesy Road kun sa diin sakay sang mga ini ang special tactical squad sang mga pulis nga nagabulig man sa pag-kontrol sang kinagamo.
Facebook Comments
