Ajuy, Iloilo – Naglab-ot sa kapin 54 mil pesos ang nataban sang mga kawatan matapos ila ginsulod ang Northern Iloilo Polytechnic State College ukon NIPSC-Ajuy campus pati na ang Ajuy National High School kaina sang kaagahon.
Suno kay SPO1 Jojo Octavo, imbestigador sang Ajuy Municipal Police Station , ginsulod sang mga kawatan ang cashier office sang NIPSC – Ajuy kag nakuha sa sulod sang vault ang 4 mil pesos.
Samtang, ginsulod man sang mga kawatan ang cashier office sang Ajuy National High School kag ila nataban ang ginabulubanta 50 mil pesos .
Indi pa matul-id sang Ajuy PNP kon isa lang ka grupo ang nagsulod sa duha ka buluthuan.
Madumduman nga sang nagligad nga bulan ginsulod man sang mga kawatan ang accounting office sang NIPSC-main campus sa banwa sang Estancia.
ctto
#TatakRMN
