Sa interbyu sa DXDC RMN Davao kang SFO4 Ramil Gillado, Davao City Fire District Intelligence and Investigation Section chief, nagsumikad ang sunog dihang nisilaob ang panel board sa circuit breaker nga nahimutang sa may fresh area department sa NCCC Supermarket.
Dili pa maestablisar ug gisuta pa sa mga fire investigators kung tungod sa loose connection, short circuit o nag-overload kini.
Aron dili masubli ang insidente gi-require sa BFP 11 ang management nga kinahanglang mapa-check og electrician ang ilahang linya sa kuryente una sila matugtang maka-operate og balik ang ilahang grocery section.
“Gi-advice nato sa NCCC Management nga seguruhon gyod nila nga mapa-check sa electrician ang ilahang linya sa kuryente. Kailangan usa nila nga mukuha og clearance sa atoa sa Bureau of Fire aron matagaan nato sila’g go signal nga pwedi na nila gamiton ang grocery area nila particularly,” sumala niini.
Mobalor sa P150,000 ang estimated damage sa sunog.
Gibutyag ni Gillado, alas-10pm nakontrola ang sunog ug alas-10:17pm kini na-fire out.
RadyoMaN Aimee Guinita
