General Santos City—patay sa gihimong operasyon sa Police Station 8 sa pagpanguna sa ilang Chief Of Police nga si Police Sr. Inspector Roel Abejero ang Most Wanted sa ilang area of responsibility human kining misukol sa kapulisan.
Suspek giilang si Reden Moreno, alias Ike, residenti sa Barangay Batomelong, Gensan. Si Moreno dunay kasong Carnapping ug kasong kidnapping with serious Illegal Detension.
Gibutyag ni PSI Abejero nga una na silang nakadawat ug report nga tua naispatan sa Purok 5, National Highway Batomelong, tungod niini sila nagpahigayon gilayon ug operasyon aron dakpon ang suspek apan pag abot sa lugar, kalit matud pang mibunlot sa iyang kalibre 45 nga pistola ang suspek dayon gipusil ang mga pulis.
Si PSI Abejero ang naigo sa bala sa pulis sa suspek human iyang gisalo ang bala, maayo nalang nga sul-ob sa opisyal ang iyang bullet proof vest mao nga wala siya nasamaran.
Didto na mibalok ug pabuto sa ilang pusil ang kapulisan nga miresulta sa kamatayon sa suspetsado. Wala usab makit-an ang pusil sa suspek human nga sagbutan ang lugar nga nahitabuan sa pagsinuk-ay ug bala.
