General Santos City—dakpan ang no. 1 most wanted sa Maitum, Sarangani Province, atol sa gihimong operasyon sa kapulisan nga sakop sa Maitum Municipal Police Station alas 5:30 ang takna sa hapon kagahapong adlawa.
Suspek giilang si Guiamaludin Togue, 36, minyo, residenti sa Purok Lambagani, Barangay Maguling, Maitum, Sarangani Province.
Nasikop ang nahisgutan subay na usab sa warrant of Arrest sa kasong kalapasan sa RA 9165 (Comprehensive Dangerous Drug Act of 2002) nga may criminal case no. 00004-17 nga una nang gipagula ni Hon. Judge Oscar Noel Jr. Presiding Judge, RTC Branch 35-JOW pinitsahan ug Hunyo 13, 2017.
Mukabat usab sa P800,000.00 ang pyansa nga girekomenda sa korte alang sa kaso sa suspetsado nga balhog na karon sa silda sa Maitum Municipal Police Station.
