No. 10 most wanted sa Tupi, south Cotabato-sikop

95

South Cotabato – sikop sa Tupi PNP, ang usa ka wanted sa gihimong manhunt Charlie sa Public Market, Barangay Poblacion, Tupi, South Cotabato niadtong nakalabayng adlaw.

Suspek giilang si Sammy Dala Talaguia, 36, minyo, ug residente sa Purok 1, Barangay Bunao.


Ang nahisgutan adunay warrant of arrest nga gipagula ni Honorable Judge Eddie R. Rojas sa Regional Trial Court, 11th Judicial Region, Branch 39, Polomolok, South Cotabato nga pinitsahan ug Enero 13, 2017 sa kasong paglapas sa Republic Act 7610 o Child Abuse Law.

Anaa sa P80,000 ang piyansang gitakda sa korte aron maangkon ang temporaryong kagawasan niini. Si Talaguia ang No. 10 Most Wanted sa lungsod sa Tupi.

Sa karon nagpabilin sa kustudiya sa kapulisan ang nasangpit nga suspek samtang commitment order nalang ang gipaabot aron nga mabalhin kini sa Provincial Jail, samtang mamahimo usab kining makagawas higayon nga makapyansa.

Facebook Comments