General Santos City— Patay sa gipahigayong operasyon sa kapulisan ug military ang gikonsiderang number 2 man sa Maute-Isis Group alas 2 pasado ang takna sa kadlawon, samtang samdan ang usa ka PO3 Jerry Feo nga nakabase sa Regional Mobile Force Batallion 12 human nga unang gipabuthan sa suspek.
Sumala kang Police Chierf Superintendent Marcelo Morales, Regional Director sa Police Regional Office 12 nga ang target mao si Najib Calimba Pundong alias Najib Hussein.
Pamahayag niini nga ilaha karong ginatna-aw ang posibleng plano nga diversionary tactics sa maong grupo human makarekober ug IED components ang otoridad.
Dugang pamahayag ni Chief Superintendent Morales nga si Pundong ang usa sa mga nakasibat atol sa operasyon sa syudad sa marawi kung asa kini ang gikonsiderang bomb maker.
Kini matud pa ang responsable sa paghimuan ug bomba sa maute-isis ug higayon nga kini matapos, iyaha usab kining ginahatud sa mga miyembro aron nga ibilin sa mga lugar nga tagret nilang pabuthan.
Sa karon matud pa, wala silay namonitor nga posibleng pagpang-recruit sa grupo ni Pundong alyas najib Hussein dinhi sa dakbayan apan padayon ang ilahang ginahimong pagmonitor.
Kalabot niini, gibutyag ni Police Chief Superintendent Morales nga adunay patong-patong nga kaso ang target nga si Najib Pundopg sama nalang sa possession of explosives ug daghan pang uban.
Samtang adunay lima mga naaresto ang kapulisan lakip ang asawa, tulop niini ka mga igsuon ug ang inahan niini nga samang mag-atubang ug kasong obstruction of justice ingon man cuddling of fugitive.
Sa karon, padayon ang pursuit operation sa kapulisan ug militar aron nga maaresto ang asawa sa gikonsiderang number 1 sa organisasyon sa maong grupo nga si Abu Dar.
Nanawagan man usab si Chief Superintendent Morales ngadto sa katawhan nga magpabiling mabinanatayon sa palibot ug kung adunay makit-ang makakudahang butang o tawo, gilayong ipa-abot ngadto sa otoridad.
