General Santos City— Sikop pinaagi sa pagserve sa warrant of arrest ang number 2 most wanted sa area sa Polomolok Municipal Police Station.
Giila ni Police Supt. Samuel Cadungon, hepe sa Polomolok PNP ang suspek nga si Jimboy Relativo, 36 anyos nga residente sa Glamang, Polomolok.
Ala una pasado ang takna sa hapon dihang madakpan ang nahisgutan sa New Society Brgy. Apopong ning dakbayan sa Gensan human masayran ang iyahang presensya.
Dugang pamahayag ni PSupt. Cadungon nga nag-atubang ug kasong murder ang suspek nga si Relativo ug dugay matud pa kining nag-taguan sa kamot sa balaud.
Gawas sa warrant niini, laing kaso usab sa pagpatay ang nakatakda niining atubangon human migawas sa imbestigasyon nga suspek usab kini sa pagpatay sa pulis nga si PO1 Diamond Muga sa syudad sa Koronadal milabay’ng Disyembre 5 milabay tuig 2018.
