General Santos City–Malampusong nasikop sa mga personahe sa Police Station 4 ang top 4 most wanted sa ilahang estasyon nga si Jepte Santillan, 52 anyos nga nanimuyo sa Prk. 2 Barangay Mabuhay ning syudad alas 10:00 ang takna sa buntag ngadto sa Prk . Golingan, Barangay Mabuhay.
Sumala pa ni Police Major Alex Lanestosa ang hepe sa Police Station 4, nga gisikop ang nasangpit nga suspect pinasikad sa warrant of arrest niini sa kaso nga 3 counts of rape ug 3 counts of acts og lasciviousness nga gipakanaug ni Hon. Judge Antonio Lubao sa RTC Branch 22 niadtong June 27, 2014.
Dugang pa ni Lanestosa nga ang nasangpit nga suspect ang dugay na matud pang nag tago-tago sa balaud apan sa dihang na monitor sa kapulisan nga mibalik sa mabuhay gilayon nila kin ng gioperasyonan.
Sa kasamtangan nag tingkagol ang nahisgutang suspect sa selda sa Police Station 4 samtang nagpaabot nalang ang kapulisan nga magpakanaug ug commitment order ang korte aron nga mabalhin kini sa Gensan City reformatory center.
Samtang mapasalamaton na man usab si Police Major Lanestosa nga panahon sa pagdakop nila sa suspect wala kini misukol o misuway ug sibat hinungdan nga kini ilahang nasikop.
Gani daku matud pa ang tabang sa mga impormante nga naghatag kanila ug impormasyon hinungdan nga nasikop ang suspect. (Dave Silagan)
