South Cotabato-signit sa Surallah Municipal Police Station ug Provincial Mobile Force Company ang No. 7 Most Wanted sa lungsod sa Surallah sa gihimong operasyon sa may Sitio Selohon, Barangay Lower Maculan, Lake Sebu, South Cotabato niadtong nakalabayng adlaw.
Suspek giilang si Rommel Laurel, alyas Toto, 40, residente sa Purok Tagumpay, Barangay Veterans, Surallah, South Cotabato.
Dakpan ang nasangpit pinaagi sa warrant of arrest sa kasong paglapas sa R.A 9165 nga gipagula ni Honorable Judge Roberto Ayco, acting presiding judge sa RTC Branch 26, Surallah, South Cotabato.
Wala na palag ang suspek human gipresentar kaniya ang warrant of Arrest sa kasong iyang giatubang.
Sa karon ang suspek balhog na sa silda sa Surallah Municipal Police Station ug commitment Order nalang ang gihuwat aron mabalhin na ang nahisgutan sa South Cotabato Rehabilitation and Detention Center.
