Pagadian City – Gipahinumduman sa Department of Education Zamboanga del Sur ang mga magtutudlo sa mga pangpubliko nga mga tulunghaan alang sa hingpit nga pagpatuman sa ‘no collection policy” subay sa pagbukas sa klase kagahapong adlawa .
Ang Assitant Schools Division Superitendent nga si Dr. Danny Cordova nibutyag atol sa interview sa RMN-DXPR nga mamahimong makapadangat sa ilang reklamo ang mga ginikanan pinaagi sa pagcontact kanila sa 0908-898-1649.
Ang Deped adunay voluntary contribution alang sa mga pinili nga programa apan gitataw ni Dr. Cordova nga dili kini kolektahon sa pagbukas sa klase kung dili mahimong adto na sa bulan sa Agosto kini kolektahon.
Gipasidaan ang opisyal nga ang magtutudlo nga mamugos sa pagpabayad niini sa mga tinun-an mahimong pasakaan ug reklamo.
