Gipahinumduman sa Department of Education kon DepEd ang mga magtutudlo sa mga pangpubliko nga mga tunghaan alang sa hingpit nga pagpatuman sa ‘no collection policy” subay sa pagbukas sa klase karong adlawa .
Ang Regional Director sa DepEd 7 nga si Dr. Juliet Jeruta nibutyag nga nagbutang sila ug “Oplan Balik Eskuwela Action Center” diin ang mga ginikanan makapadangat sa ilang reklamo ug pangutana pinaagi sa telepono o email subay sa pagsugod sa klase .
Ang Deped adunay voluntary contribution alang sa mga programa sa Anti-TB, boys ug girl scouts , Red Cross , school publication ug PTA nga moabot ug P200 sa tibook tuig .
Apan gitataw sa Deped nga di kini kolektahon sa pagbukas sa klase kung di mahimong adto na sa buwan sa Hulyo kini kolektahon.
Gipasidaan ni Jeruta nga ang magtutudlo nga mamugos sa pagpabayad niini sa mga tinun-an mahimong pasakaan ug reklamo .
