Davao City – Dili pa maseguro kung walay election karong tuig 2019 alang sa mid-term local and senatorial election nunot sa gipahayag ni House Speaker Pantaleon Alvarez tungod sa gikasugyot nga ‘federal system of government’.
Sumala ni Department of Interior and Local Government (DILG-XI) Regional Director Alex Roldan, ang giluwatang pahayag ni Alvarez iya lamang kini personal ug dili tingog sa tibuok kongreso, samtang sa barangay ug SK election giingon ni Roldan wala pay balaud nga mag-postpone niini.
Samtang dili usab motoo ang director sa DILG-XI ug kanhi City Information officer sa syudad sa Davao nga lugwayan pa ang termino ni Pres. Rodrigo Duterte sukwahi sa mga gipasi-atab sa taga-oposisyon nga walay matigayong election aron patas-an pa ang pagpangatungdanan sa pangulo.
Samtang sa hisgutanang ipadayon o dili ang piniliay aron mapatas-an ang termino sa presidente, personal nga tan-aw ni Roldan nga kinahanglan adunay election tungod kay mao kini ang demokratikanhong sistema sa panggobyerno aron magpabilin ang pagrespeto sa mga tawo sa mga opisyal sa gobyerno kung gipaagi sa ensaktong proseso nga mao ang election.
RadyoMaN Bernard Pantallon
