Davao City – Dili kumbinsido ang pipila sa mga netizens sa ipatumang bag-ong palisiya nga “No Face Shield No Entry” sa mga mall subay sa bag-ong anunsyo ni Presidential Spokesperson Harry Roque.
Matud ni Antonio Ang Jr., daw wala gihapon napugngan ang virus tungod sa liboan gihapon ka tao ang nagpositibo matag adlaw bisan og aduna nay pagpatuman sa face shield, motorcycle barrier ug uban pa.
“Sa kadaghan na sa face shield, naa pay barrier, midaghan pud ang infected sa COVID-19. Murag wala man napugngan, murag useless. Basic prevention lang, face mask, alcohol, distancing lang mura’g ok pa,” matud ni Ang.
Samtang, matud ni Ara Michaels nga sakto lamang ang pagmugna’g daghang balaod batok sa COVID-19 aron dili na ganahan ang tao nga mogawas ug magpundo nalang sa balay.
“Maayo ‘ning gibuhat sa government para ma-discourage tanan tao mugawas,” saysay ni Ara.
Una nang gihimong mandatory ang pagsul-ob sa face shield sa public transport ug sa mga trabahoan ug karon gi-obliga na sab ang pagsuot niini sa mga enclosed establishments sama sa mga malls.
“Dapat sinusuot na rin ang face shields sa mga nakasaradong commercial establishments, gaya po ng mga malls,” matud ni Harry Roque.
RadyoMaN Kirby Manzon
