Pila ka adlaw antes ang pagsugod sang klase, ginpahanumdom sang Department of Education sa publiko nga wala dapat sang bayran ang mga incoming students kon magpa-enroll sa mga pampubliko nga eskwelahan.
“Walang bayad ang public education up to high school, guaranteed ‘yan sa Constitution. We have a ‘No Fee Policy,'” ang pahayag ni Education Secretary Leonor Briones.
Suno kay Briones, ginalauman ang 27.8 million ka estudyante nationwide ang magabalik sa eskwelahan para sa subong nga academic year.
Nagbukas naman ang DepEd centrl office sang Public Assistance Command Center (PACC) agud ma-accommodate ang mga pamangkot kag reklamo may kaangtanan sa pagbukas sang klase.
Mahimo makatwag sa sini nga mga numero halin May 27 tubtob June 7, 2019:
– 636-1663 – 635-9817 – 638-7530 – 633-1942 – 638-8641 – 638-7529 – 634-0222
Photo from web/ via GMA
