No fly zone ang ruta sa prosesyon ug Sinulog

41

Ginadili ang pagpalupad ug “drone” o kaha pribadong mga chopper sa kahanginan ibabaw sa ruta sa solemn procession sa Enero 19 ug sa Sinulog Grand Parade sa Enero 20.

Kini maoy gipahibawo sa hepe sa Ceu City Police Office nga si Sr. Supt. Royina Garma atol sa security briefing alang sa kapistahan ni Senior Sto. Niño .

Nakakuha na usab sila ug kamanduan alang sa ipatuman nga “no fly zone” gikan sa Aviation Security Group ug Air Transportation Office .

Matud ni Garma kung kaniadto gitugot ang mga pribadong chopper aron mohimo ug “flower droppings” apan karon gidili na kini .

Mga chopper lang sa Air Force ang tugtan nga makalupad sa mga ruta sa duha ka dagkung kalihukan nga mahimo ug aerial survey isip kabahin sa seguridad.

Ang PNP mismo dili usab mopalupad sa ilang mga drone aron makalikay sa disgrasya kung ugaling kini mahagbong ngadto sa bagang doot sa katawhan .

Lakip sa nitambong sa briefing mao ang mga sakop sa PNP, Sinulog Foundation Inc. , ug kadagkuan sa Basilica Minore Del Sto Niño .

Facebook Comments