General Santos City–Gihingusgan ni Former City Councilor Atty. Athuro Cloma nga dili tubag sa pagpalig-on sa seguridad ang pagpatuman ug NO ID NO Entry Policy sa dakbayan. Kini ang nahimong reaction ni Atty. Cloma dungan na usab sa pagpatuman ug NO ID NO Entry Policy.
Sumala niini nga alang kaniya dili garantiya nga dili na malutsan sa mga dautang elemento ang dakbayan ang pagpatuman sa No ID No Entry Policy.
Alang kaniya mas epektibo gihapon ang pagpatuman ug foot patrol, police visibility, regular nga mobile patrol ug pagpakusog sa Intel monitoring.
Dugang pagbutyag ni Atty. Cloma nga bisag government ID pa ang pangayuon sa mga sundalo ug police sa mga check point, may puruhan gihapon nga makalusot ang mga teroresta ug mga bandido.
Gihingusgan niini nga ang mga criminal, terorista ug mga miyembro sa bandidong grupo duna na usab mga ID.
Tungod niini dako gyud ang pagtuo ni cloma nga dili tubag ang No Id No Entry Policy sa pagpakgang sa mga dautang elemento.
