Pagadian City – Hugtanong gipatuman sa syudad sa Pagadian ang “no ID, no entry” policy kini kabahin sa botasyon sa Bangasamoro Organic Law sa probinsya sa Lanao del Norte.
Nagpagawas og direktiba ang Pagadian City Police Station sa pagpanguna ni Psupt. Alvin Saguban nga gabayan sa mga residente aron pabiling luwas sa bisan unsa nga hulga sa kagubot ang syudad.
Pahinumdum sa kapulisan sa mga residente sa siyudad nga anaa sa gawas ning dakbayan, nga kinahanglan magdala og ID kay estrikto nang gipatuman ang”no ID, no entry” policy. Gikakurat sa pipila ka motorista ang “no ID, no entry”apan daghan usab sa mga motorista ang nisanong bag-ong polisiya dihang gipasabot nga kabahin lang kini sa seguridad.
Samtang sa pikas bahin sa impormasyon nga nakuha RMN DXPR Pagadian, mo-abot na sa 250 ka indibidwal nga mga bakwit ang kasamtangang anaa sa lungsod sa Tukuran, Zamboanga del Sur gumikan sa kahadlok nga muolbo ang kagubot Lanao del Norte human ang plebisito sa BOL.
