Gipatuman na sa Economic Enterprise Development and Management Office o EEDMO Iligan ang pagsu-ot ug Mask sa tanang mosulod diha sa may Temporary Market sa IBJT north bound.
Gibutyag ni EEDMO Manager Virginia Junsan nga alang raman usab sa kaayuhan sa tanan ang pagsu-ot sa mask gumikan niining krisis karon sa Corona Virus Disease o COVID 19.
Matud ni Junsan, si kinsa kadtung walay so-ot nga mask nga mosulod sa maong merkado dili gayud ipasulod aron wala kini madala nga bisan unsa man nga virus gikan sa gawas.
Gani, bisan ang mga gapamaligya sa maong merkado lakip usab sa ipasuot ug mask.
Si kinsa kanila ang walay soot nga mask panahon sa ilang pagpamaligya adunay ipahamtang nga silot o multa.
Facebook Comments
