Davao City- Naaprubahan na sa cemetery board sa lokal nga panggamhanan sa Davao nga walay mag-overnight sa mga sementeryo sa dakbayan sa Davao.
Matud kang Atty. Novelle Paragas, City Economic Enterprise OIC ug Administrative Officer, lakip sa magpatuman usab niini ang mga pribadong mga sementeryo sa dakbayan.
Subay sa gipagulang guidelines sa City Government of Davao abli ang mga sementeryo gikan alas-6:00 sa buntag kutob og alas-10:00 sa gabie.
Wala usab gitugot ang pagdala’g mga binuhing mga hayop.
Girekomendar usab ngadto sa mga edaran, mga adunay co-morbidities, immune-compromised, buntis, unvaccinated ug mga symptomatic ang pagsuot og facemasks.
Ug nagpabiling bawal ang pagsuot og jackets, backpacks, pagpatugtog og kusog nga musika ug karaoke, sugal, pag-inom ug mga pointy objects.
RadyoMaN Aimee Guinita
Facebook Comments
