Pagadian City – Mas pahugtan pa ang implementasyon karong adlawa sa No Quarantine Pass No Entry sa dakbayan sa Pagadian kabahin sa pagpangandam sa COVID-19 DRILL o (BORDER LOCKDOWN) nga ipatuman sugod ugmang adlawa nga molungtad 11:59 Sabado sa gabii.
Ang duha ka adlaw nga lockdown maoy pagbansay sa mga otoridad ug uban nga ahensya aron mas mapangandaman kun ugaling dunay simbako lang magpositibo sa Covid 19 sa probinsya.
Sigon ni Pagadian City Mayor Samuel Co, dinhi usab masayran kun taga-diin ang mga tawo nga makit-ang anaa sa sentrong bahin syudad.
Atol unya sa implementasyon sa Lockdown lauman nga makalusot ra sa checkpoint ang mga medical personnel, mga nagkarga ug pasyente, uniformed men (kapulisan ug kasundaluhan), opisyales sa probinsya ug sa syudad, mga residente nga adunay Home Quarantine Pass, mga adunay Working Pass ug ang driver ug truckman sa mga cargo trucks.
