‘No RFID, no entry’, ipapatupad na ng Toll Regulatory Board simula November 2

Magpapatupad na ng “No Radio-Frequency Identification (RFID), no entry” simula Nobyembre 2 ang Toll Regulatory Board (TRB).

Ayon kay TRB Executive Director Abraham Sales, alinsunod ito sa Department of Transportation (DOTr) order 2020-012 na inilabas noong Agosto 13 na nag-uutos sa paggamit ng cashless transactions sa mga tollway simula Nobyembre 2.

Dahil dito, maglalagay na ng booth sa mga pasukan ng expressway para makita ang mga sasakyang walang RFID.