Nobya ginrape sang duha ka serial rapist sa presensya sang iya nobyo sa sulod sang ila salakyan

ILOILO – Indi lang kaso sang abduction kag carnapping ang natabo kagab-i sa Car Park sang SM City Iloilo. May ara pa gid sang kaso nga rape.
Ini ang gin confirmar ni PCINSP. Charlie Sustento, hepe sang Ajuy PNP kag Supervisor sang 4th Mobile Group matapos madakpan kagab-i kag kaina sang kaagahon ang duha ka mga suspek sa banwa sang Barotac Viejo, Iloilo.
Nadakpan sang kapulisan si Sirius Gim Villareal, 22 anyos anay seaman kag kaupod sini nga si Reymond Cordero, 22 anyos matapos gincarnap ang salakyan sang magkahagugma sa SM City Car Park kagab-i.
Wala pa nakuntento, ginrape pa sang mga suspek ang 24 anyos nga babaye sa presensya mismo sang nobyo sini.
Si Sirius Gim Villareal involve man sa kaso nga rape sa isa ka babaye nga iya ginpasakay halin sa Diversion Road malapit sa esplanade sang Mayo 05, 2015 matapos namangkot kun diin ang Arevalo kag sang nahibalu-an sini nga didto magapauli ang duha ka babaye, ila gin-engganyo sang iya upod nga si Paul Aaron Campos, nga magsakay kay i-drop sa lugar.
Apang ginbilin ang isa ka babaye sa Molo samtang ang isa ang gindala sa Oton kag ginlugos sa sulod sang salakyan nga Isuzu Crosswind nga may plate number FGA494.

Facebook Comments