Davao City – Niabot dinhi sa dakbayan sa Davaosakay sa C-295 nga eroplano ang patayng lawas ni kanhi Davao First District Congressman ug House Speaker Prospero “Boy” Nograles.
Usa ka Arrival Honors gipahigayon agi’g pagsugat sa homecoming sa Davao-born political icon ug iladong lider sa pulitika sa nasud.
Nidagsa usab ang mga higala ug mga supporters ni Nograles, kinsa mas nailhan dinhi sa Davao nga si ‘Boy Nogie.’ Ang kanhi Davaoeño political leader gihatud sa may Cosmopolitan Memorial diin usab siya gihaya.
Sa kabahin sa pamilyang Nograles, gipadayag ni PBA partylist Rep. Jericho “Koko” Nograles ang ilang kinasingkasing nga pagpasalamat ngadto sa tanang niduyog kanila sa panahon sa ilang kasubo.
“The best legacy that he left is (that) he died without having any political enemies. It would be happier to see that the President and the Former Speaker are back again as friends. And when they patched things up before the president ran in 2016, on both sides, on both families, there was a thorn lifted,” sumala sa batan-ong Nograles.
Gibutyag sa kongresista nga nitaliwan ang kanhi House Speaker tungod sa ‘respiratory failure due to complications in pneumonia.’
Nipanaw ang kanhi speaker samtang nagsaulog ang pamilya sa resulta sa 2018 bar exams diin usa ang kinamanghurang anak nga si Margarita “Migs” Nograles nga nipasar.
Gisaysay ni Migs ngadto sa media nga mismong ang iyang amahan ang ni-anunsyo ngadto kaniya sa kalampusan sa naha-una sa bar exams.
Si Migs ug Koko igsoon usab ni kanhi First District Representative ug karon Cabinet Secretary sa Duterte administration, Sec. Karlo Alexei Nograles.
Adunay public viewing karong adlawa sa haya ni Nograles.
Ang kanhi lider sa kamara ihatud ngadto sa iyang katapusang kapahulayan karong Domingo, Mayo 12 alas-2:00 sa hapon sa may Forest Lake Memorial Park.
RadyoMaN Aimee Guinita
