Davao City – Dili angay gamiton sa pamulitika ang 30th Southeast Asian Games 2019.
Mao kini ang basa karon ni Puwersa ng Bayaning Atleta (PBA) Party-list Rep. Jericho Nograles sa mga isyung ninglutaw kontra sa Philippine hosting sa biennial inter-country sporting spectacle.
Gani, gi-awhag ni Nograles ang mga netizens ug ang katawhan nga dili i-share o patulan ang mga tataw nga ginagamit lamang sa pamulitika nga obserbasyon sa mga kritiko kinsa nag-alegar nga aduna silay nakitang negatibo or anomaloso sa nagpadayong paugnat sa kusog.
“Let’s not use the SEA Games as venue to vent politics,” hagit sa kongresista.
Matud ni Nograles, mas maayong itunol na lamang nato ngadto sa mga awtoridad partikular sa Commission on Audit (COA) ang higayon nga mo-imbestigar sa alegasyong anomaliya.
“Kung naay problema makita na sa COA, maderetso na na sa Ombudsman. We have our legal safeguards in place and with this legal safeguards, we can already assure everyone that the law will work,” sumala sa kongresistang taga-Davao.
RadyoMaN Aimee Guinita
