Gipanaad karon ni bag-ong Cabinet Secretary (CabSec) Karlo Alexei Nograles nga buhaton niya ang tanan niyang mahimo aron maka-asistir diha sa kalampusan sa mga direktiba, prayoridad ug mga programa ubos sa liderato ni Pres. Rodrigo Duterte.
“My task involves setting the cabinet’s agenda and the road map of the departments…This also involves harmonizing lahat nga mga departments para isang direksyon ang lahat,” segun sa pinakabag-o ug pinaka batan-ong miyembro sa Duterte cabinet.
Si Nograles anaa na sa iyang third and last term silbing kongresista sa unang distrito sa Davao City gani gihugonhugonan kining molansad unta sa iyang kandidatura isip Senador sa 2019 Midterm Election apan kansang katumanan wala mahinayon.
Dugang ni Nograles nga usaka ‘family decision’ ang iyang hukom nga dili na modagan sunod tuig, gani orihinal niyang plano mao nga mobalik na lamang sa iyang private practice silbing usaka abogado.
Usa sa buot tutukan ug hatagan ni Nograles ug halapad nga pagtagad mao ang pagkab-ot sa mga tinguha sa Duterte administration aron ipatuman ang development thrust diha sa mga rural areas.
Sa isyung third major provisional telecommunications company nga Mislatel ubos kang Davao trader Dennis Uy ug China Telecom Consortium, gipasalig ni Nograles nga ‘coincidental’ lamang nga supporter sa presidente ang maong opisyal diha sa naasoyng kumpaniya.
RadyoMaN June Duterte
