El SK Federation President si Cary John Pioc ya clarifica que gendeh conele ta dicta el Congresista Celso Lobregat conel cosa le ta hace na consejo como el representante del maga jovenes.
Uno asunto ya clarifica si Pio tiene que hace el ya queda controversial Local Youth Development Council (LYDC) donde ya manda le coneste man “delay” el junta despues tiene maga proceso y requirimiento el falta.
Asegun con Pioc nohay le o el team colorao cosa puede saca si ya manda man le man delay con el LYDC. El cosa lang le quiere amo completa el cosa deve completa requirimiento para gendeh mas bira na primero llegar na punta sip or ejemplo man ya consigui con falta proceso y requirimiento.
Mas de ese ya habla si Pioc tiene le su decision y sabe le cosa le ta hace y gendeh mas necesita tiene pa quien dicta conele na su trabajo.
El LYDC ay pursigui siempre na maga dias que biene el momento complete ya todo.
Na otro parte, si Pioc ya admiti que ta soporta el con el Congresista Celso Lobregat porcausa grande su confiansa con este y sabe le el calidad na servicio public.
Asegun pa con Pioc ya consuilta le na Comelec y DILG aserca su suporta con Lobregat donde ya informa conele nohay violacion.
