Admitido el portavoz del Pulicia Local si Police Captain Shelamie Tubo Chang tormento hace apas conel maga habal-habal y hasta con el maga privado tricycle y lo mismo el maga Piaggio quien ta pipina pasajero na ciudad masquin hinde estos rehistrao y sin franquiza para saca pasahero.
Este despues ya llleva na atencion di Chang el RMN Zamboanga con el reclamo del cuantos tsuper de tricycle quien ta sale ya afectao con el presencia del maga habal-habal y maga privado tricycle incluhido ya maga Piaggio ta man biahe na ciudad y competencia canila.
Amenable si Chang hinde otorisao estos maga sin franquiza vehiculo para saca pasahero perro el cosa ta man problema el pulis amo cosa sila hace base para cuji con estos ciendo nohay lei el ta existi para el regulacion con este clase maga vehiculo.
Con el maga habal-habal hasta na obstruction solamente ta puede impone encase sit a cuji canila el maga pulis mientras tormento sabe si maga privado tricycle y maga Piaggio sit a saca pasahero porcausa ta conchava ya estos con el diila maga pasahero cosa habla encase pregunta maga pulis na calsada.
