Porcausa con el problema ta enfrenta el entero mundo que ez COVID 19, el Bureau of Correction ya tene que sospende con el visitada del maga familia del maga preso na entro paiz.
Asegun con jefe del San Ramon Penal Colony si Supt. Benhur Pantaleon prinsipiando del Lunes este semana ya cancela sila con el visitada del maga family del maga preso despues sila ya recivi el orden desde na Bureau of Correction na Manila.
Si Pantaleon ya habla el BuCor ta precura lang proteje con el salud del maga preso y lo mismo del diila maga personajes para gendeh man tapon na COVID 19.
Asegun pa son Pantaleon si aquelios maga nusabe pa con el mandato del BuCor y despues ya llega ya na San Ramon Penal Colony, gendeh siempre sila permiti manda entra adentro y envez ay saca lang sila con el cosa ta lleva el maga visita intendido para con el diila familia preso y sila ya lang ay dale con el concierne.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
