General Santos City— Gipaklaro ni Police Senior Superintendent Romeo Ruel Berango, acting City Director sa Gensan City Police Office nga matag semana ang ilahang ginahimo nga conference kalabot sa tanang mga krimen sa dakbayan.
Kung asa kini gilangkuban sa tanang index ug non-index crime sa ilahang mga area of responsibility. Pamahayag niini nga ang index crime mao ang mga krimen nga ginahimo sa mga sibilyan.
Sa kadako matud pa sa syudad ang gensan, ang index crime ang ilahang ginatunga sa walo nga gitawag ug 8 heinous crime.
Samtang ang mga non-index crime mao ang mga operasyon nga ginahimo sa kapulisan sama sa operasyon batok illegal nga droga ug operasyon batok illegal nga sugal.
Pagpaklaro ni Col.Berango nga mitaas ang non index crime sa dakbayan gumikan mibalik na sa war on drugs ang kapulisan ug ilaha pang mas gipakusgan ang kampanya batok illegal nga sugal.
Dugang pa niini nga lakip sa mga nakaapekto sa pagtaas sa non index crime sa dakbayan mao ang kaso sa aksidente sa kadalanan nga dili kontrolado sa otoridad.
