Davao City – Walay salig ang New Guardian for Freedom and Democracy (NGFD) sa mga opisyales ug mga empleyado sa gobyerno sa 2019 midterm election.
Nagduda si NGFD National President Tito Porras sa dagan sa hunahuna ug pagbati sa mga empleyado ug mga opisyal sa kagamhanan sa piniliay sunod tuig.
Dili malimod nga dunay mga empleyado ug mga opisyales sa gobyerno dayag nagsuporta ug mangampanya sa mga kandidato nga ilang gipaluyohan sa bugnong lugaynon sunod tuig.
Bisan pa og nagwarning na daan ang Civil Service Commission labot sa existing non-partisan policy apan sigurado daghan gihapon sa mga trabahante nga sekreto ang suporta sa politiko sa 2019 election.
Sanglit sa panahon karon, ang matag indibidwal aduna ma’y gipaluyohan nga mga kandidato alang sa 2019 midterm election.
Busa sa tan-aw ni Porras, imposibleng sanungon sa mga empleyado ug mga opisyales sa gobyerno ang kamandoan sa CSC nga walay kandidato suportahan ug ikampanya sa eleksyon sunod tuig.
Ug kung aduna ma’y mupatalinghug sa direktiba sa CSC, pipila lang ug mas daghan ang sekreto mosuporta sa mga kandidato hilabi na kung aduna kiniy utang kabubut-on sa politiko, dugang ni Porras.
RadyoMaN Joel Viray
