ILOILO – Nagaplano ang Iloilo provincial government nga magtukod sang Northern Iloilo Tourism Authority.
Ini ang reaksyon ni governor Arthur Defensor Sr, kasunod sang mandu ni president Rodrigo Duterte nga siraduhon ang isla sang Boracay sa sulod sang anum ka bulan sugod Abril 26 subong nga tuig.
Suno sa gobernador, tuyo sini nga mapreparar kag madevelop ang mga tourist destination sa Northern Iloilo ilabi na sa banwa sang Carles kag Concepcion .
Sa record sang Provincial Tourism Office (PTO), ang Quinto distrito nakalista sang pinakadamo nga turista nga nagbisita sa Iloilo sang 2017.
Sa pagpasirado sang isla sang Boracay, ginalauman ang pagtaas sang numero sang mga turista nga magabisita sa probinsya ilabi na sa northern Iloilo.
Photo from web
