Naa karon sa ikaduhang pwesto ang Northern Mindanao sa tibuok Pilipinas sa pinakadaghan og ihap sa teenage pregnancy.
Kini ang gipahibalo sa Population Commission o POPCOM Region 10.
Matud sa POPCOM nga nitaas ang ihap sa mga batan-on nag-edad 15 hangtud 19 nga naburos o nanganak sulod sa lima ka tuig.
Gani, basi sa pinakaulahing National Demographic and Health Survey 2017 nga 15 porsyento sa maong mga batan-ong babaye ang naburos o nanganak na kumpara sa 10 porsyento lamang niadtong 2013.
Nasayran nga ang personal ug ang problema sa pamilya ang nakitang hinungdan nga nisalmot na sa pre-marital sex ang mga batan-on.
Tungod niini, ang mga batan-on dili na makahuman sa ilang pagtoon nga niresulta sa usab nga dili na sila makakuha og maayong trabaho aron molambo ang ilang pamilya.
