Davao City – Gikustodiya karon sa Women & Children’s Protection Desk sa Davao City Police Office ang usa ka Norwegian national human nga gireport ngadto kang DCPO City Director PCol. Alexander Tagum kabahin sa pag-uban niini sa duha ka mga menor de edad nga lalaki sulod sa usa ka hotel dinhi sa syudad.
Base sa impormasyon, matod pa sa nakakita walay kuyog nga inahan ang mga bata.
Sa interview sa DXDC RMN Davao kang DCPO spokesperson Police Captain Nolan Tagsip nga gina-imbestigahan pa ang maong langyaw ug ginasusi pa ang iyang mga dokumento sama sa passport, IDs ug marriage contract.
Matud ni Tagsip nga ang duha ka bata giimbestigan pa sa mga personahe sa City Social Services Development Office (CSSDO) kun aduna bay nahitabong pagmaltrato ug pagpangabuso sa mga bata.
RadyoMan Don Pulayao
