General Santos City–Dugay nang target sa police station 4 ang suspect nga dinakpan sa buy-bust operation niadtong milabay nga gabie nga si John Mark Romitan alas Jan-Jan, 24, residenti sa Dacville Phase Barangay Mabuhay ning syudad.
Sumala pa ni PSI Ananias Vasquez, Chief of Police sa Station 4 nga dugay nila nga gipailawom sa casing ang nasangpit nga suspect ug adunay pipila ka mga test buy na ang ilang gihimo batok sa suspek apan priming akaikyas ang nasangpit.
Apan niadtong milabay nga adlaw mibalik matud pa kini sa ilahang lugar ug padayun nga namaligya ug droga hinungdan nga gikasa na sa PS-4 ang buybust operation nga miresulta sa pagkasikop niini human kining napalitan ug usa ka sachet nga shabu gamit ang P500.00 nga marked money.
Gikumperma sab ni PSI Vasquez nga ang suspect ang anaa sa ilahang bag-ong watch list nga nalambigit sa iligal nga droga sa ilahang area of responsibility.(Dave Silagan)
