General Santos City— Pormal ng gi-turn over sa Land Transportation And Franchising Regulatory Board kon LTFRB ngadto sa lokal nga panggamhanan ang Notice Of Compliance sa General Santos City Public Transport Plan kon LPTRP.
Kini gitambungan nilang Gensan City Mayor Ronnel Rivera, LTFRB Chairman Atty. Martin Delgra III, Col. Reynato Padua Jr,, ang labaw sa LTFRB 12 ug managlahing sektor sa transportasyon. Ang maong LPTRP ang adunay 14 ka mga ruta.
Gihagit man usab ni Atty. Delgra ang lokal nga panggamhanan nga aprubahan gilayon ang maong LPTRP gumikan sa tibuok nasud, Gensan pa lang ang adunay susamang plano alang sa kalambuan sa transportasyon ug aron kini mahan-ay.
Samtang sa kabahin ni Gensan City Mayor Ronnel Rivera, iyahang gipasalamatan ang LTFRB sa higayon nga gihatag nga masugdan na ang paghan-ay sa ruta sa Gensan nga dugay ng problema pinaagi sa LPTRP human sa Notice Of Compliance.
Iyahang gipaklaro nga dili lang kini inisyatibo sa lokal nga panggamhanan kundili lakip usab ang kontribusyon sa mga stakeholders hilabi na ang anaa sa sektor sa transportasyon.
