Notorioso Lider del ASG na Basilan ya Rindi na otoridad

50

Zamboanga City-Despues por largos tiempo ta esconde y ta conduci maga serye de kidnapping y explosion na cuantos maga lugar , ya rindi el notorioso lider del Bandido Grupo Abu Sayyaf Nurhasan Jamiri enantes aga conel 74th Infantry Battalion na Barangay Semut na Municipio de Akbar na Provincia de Basilan .

Na impormasyon ya recivi el RMN Zamboanga kay fuera con Nurhasan Jamiri ya rindi tambien hunto conele el su dos maga primo que ta considera como maga right hand disuyu , hunto con diila armas de fuego .

Uno del razon si porque ya man surrender si Jamiri porcaosa nuay mas ya este donde esconde y el de este maga sigidores ta empesa ya deha conele , pero antes segun este ya plania ya si jamiri para man surrender pero este aura lang este ya ase final con su decision para rindi na otoridad.

Si jamiri embuelto na serye de kidnapping y serious illegal detention y explosion o siembrada de maga explosiba na diperentes maga lugar en particular na maga prouyekto de govierno , y este tambien ta embia maga extortion letter con maga negosyante na basilan ,embuelto na serye de ambush y robo de maga motorsiklo y manada este pendiente maga kaso .

Con jamiri ya lleba para na ciudad de Zamboanga na Western Mindanao Command o Wesmincom donde posible ay presenta cuneste conel Presidente Rodrigo Duterte .

Facebook Comments