Zamboanga City –Ya aresta ayer na Zamboanga International Airport (ZIA) con un miembro del Bandido Grupo Abu Sayyaf quien ta enfrenta monton de maga kaso na korte .
Na combinao operasyon ya conduci el fuersa del policia que ta composite el CIDG Manila , RIU-9 , PNP Intelligence Group , AVSEC 9 , 84th SAC , y PNP SAF ya aresta con Abdulpatta Escalon Abubakar que ta lleba el alyases de ABdulpatta Hamjali , Kitong Abubakar .
Con Abubakar ya sirvi el mandamiento de aresto apenas este abaha na eroplano ayer alas cinco de madrogada cuando ya llega aqui na ciudad desde na Manila .
Ta enfrenta si Abubakar el kaso na kidnapping y Serious Illegal Detention , donde el mandamiento de aresto ya ase sale si Honorable Hues Leo Jay Principe el Presiding Jude del RTC-9 Judicial Region Branch-1 na ciudad de Isabela del Enero 28,2008 sin el recomendao piansa .
Puera conel Kidnapping y Serious Illegal Detention , ta enfrenta tambien si Abubakar el kaso de Murder .
Ya presenta con abubakar na Korte na Isabela y na Regional Trial Court 9th Judicial Region Branch-15 na ciudad de Zamboanga .
Con el acusao temporariamente ay detene na PNP Custodial Center na Camp Crame Quezon City pendiente el vista na korte .
