Davao City – Arestado ang bag-ong finance head sa Komisyon Mindanao (KOMMID) sa New Peoples Army kun NPA alas 12:40 kagahapong adlawa, Mayo 31 sa Emenville Subdivision, Brgy Ambago, Butuan City.
Base sa report gikan kang BGen. Franco Nemesio M. Gacal, kumander sa 402nd Infantry Brigade, giila ang dinakpan nga si Nerita Calamba De Castro, 55 anyos ug mas nailhan sa Nene/ Nening/Nora.
Matud pa nga nahimong in charge si De Castro sa tanang aktibidad sa pagpangilkil sa Mindanao human naaresto ang giingong kanhi NPA finance head nga si Leonida Guao sa Butuan City niadtong Pebrero 2 ning tuiga.
Samtang gidayeg sa kumander sa Eastern Mindanao Command kun Eastmincom ang gihimo sa kasundaluhan ug kapulisan ingon man ang kooperasyonsa katawhan kabahin sa maong accomplishment.
RadyoMaN Renz Barbarona
