Davao City – Nihinay na ang pwersa sa rebeldeng New People’s Army (NPA) dinhi sa Davao Region.
Kini maoy gibutyag ni Eastern Mindanao Command (EASTMINCOM) commander Lt. Gen Benjamin Madrigal kinsa miingon nga adunay napulo ka mga front secretaries ug mga lider sa Pulang Bagani Command (PBC) ang nahilakip dinhi.
Sa ilang datos, tulo ka mga guerilla front ang nabungkag karong tuiga gani miabot na sa 17 ang kinatibuk-an, 918 ka mga NPA regulars ang na-neutralisar, 1,100 ka mga membro sa Militia ng Bayan ang mitahan, ingon man 8,100 gikan sa Sangay nga Partido sa Lokalidad (SPL) o ang gikunsiderang anti-ground mass organization.
Gani gikalipay ni Madrigal ang pagkawala sa mga insidente sa pagpanunog, snipping ug uban pang terroristic acts ilabi na sa Compostella Valley Province, Bukidnon ug Saranggani Province.
Gipasabot sa hepe sa Eastmincom nga dakong tabang ang mga lakang sa pangulo sama sa pakighinabi sa mga kanhi rebelde, IP leaders ug uban pa lakip na sab ang aktibong suporta sa mga local chief executives sa nagkadaiyang local government units (LGUs).
RadyoMaN Jason Amisola
