Laing pito ka mga barangay sa probinsya sa Bukidnon ang nagdeklara ug persona non-grata batok sa Communist Party of the Philippine – New People’s Army – National Democratic Front (CPP-NPA-NDF).
Matud sa 88th Infantry Battalion, Philippine Army nga ang maong mga barangay naglangkob sa Barangay Merangeran lungsod sa Quezon, Barangay Lumbayao, Banlag, ug Dagat ki Davao nga sakop sa Valencia City ug mga barangay sa Sagbayan, Osmeña ug Kapalaran nga sakop sa lugsod sa Dangcagan ning probinsya sa Bukidnon.
Nipirma matud pa ang mga kapitan sa maong mga barangay sa Wall of Commitment nga nagpakita sa ilang pagsuporta ug pagkiglambigit sa gobyerno aron undangon ang communist insurgency sa ilang kabarangayan.
Gitambungan ang mao nga aktibidad sa mga nagkadaiyang local government unit ug agencies sa siyudad sa Valencia, lungsod sa Quezon ug Dangcagan nga nagtanyag usab ug medical assistance alang sa common nga sakit sa mga residente.
Samtang gidawat usab ni Lt. Col. Franklin Fabic, ang commanding officer sa 88th IB ang 40 ka mga milisyang bayan nga nitahan, ug 116 ka mga Hingpit na Organisadong Masa kon HOM nga nag-withdraw sa ilang membership sa gikan sa NDF ug 7 ka mga Sangay ng Partido sa Lokalidad kon SPL nga nagwithdraw sa ilang membership gikan sa CPP.
