Davao City – Silbing pagpakita sa pagsalikway sa tribung Obu-Manobo sa New People’s Army (NPA), ilahang gidabdaban ang flag sa gikonsiderang teroristang grupo sa gobyerno atol sa gipahigayong kulminasyon sa peace-building seminar sa Tambobong, Baguio District, Davao City niadtong Pebrero 25.
Dul-an 600 ka sakop sa nasangpit nga tribu ang nipartisipar sa tulo ka adlaw nga aktibidad sa pagpanguna sa 71 ka mga tribal leaders.
Gideklarang ‘persona non grata’ didto sa yutang kabilin sa tribung Obu Manobo ang NPA.
Sa interbyu sa RMN Davao kang 3rd Infantry Batallion Philippine Army Commander LTC Oscar Partuza nga andam sila nga pahugtan ang seguridad ug protektahan ang maong tribu batok sa NPA.
Gibutyag ni Partuza nga ubos sa 3rd IB, 13 nalang ka mga lugar ang padayong gina-evaluate karon aron hingpit na kining ma-cleared sa presensya sa NPA.
RadyoMaN Aimee Guinita
