NPA gipalayas sa Barangay Binaton

43

Davao City – Hingpit nang gihinginlan sa mga katawhan sa Brgy. Binaton, Digos City ang grupo sa teroristang NPA atol sa ika 30 ka tuig nga komemorasyon sa Rano massacre.

Si Berting Dayap, lumad nga taga Sitio Rano nagbutyag nga dili na nila buot masinatian ang kamangtas sa mga rebelde diin walay kaluoy nga gi rapido ang iyang asawa ug duha ka mga anak.


Gibutyag usab sa laing Rano massacre survivor nga si Arnold Endar nga nagpasulabi ang mga rebelde sa ilang pagpangdaog daog sa mga lumad pinaagi sa pagpangharas ug dili muhatag sa gipangayong kontribusyon sa kalihukan sa mga komunista.

Nag anam na kuno ug kadako ang ginapangayo sa mga NPA nga nipasamot sa kalisud sa mga lumulupyo rason nga misungag na ang mga katawhan nga maoy nahimong pabilo sa kasuko sa mga NPA hinungdan sa pagmasaker sa 39 ka mga sibilyan.

Sa komemorasyon karong adlawa hugot na ang desisiyon sa mga katawhan nga dili na musuporta sa mga NPA ug mu kooperar na sa mga maayong programa sa gobyerno nga maoy nagdalag progreso sa ilang barangay.

Malaumon ang mga lumad sa Barangay Binaton nga daghan pang proyekto ang ibubo sa kagamhanan aron dili na makapanghaylo ang mga NPA nga muabin sa ilang pundok.

RadyoMaN Erin Lumosbog

Facebook Comments

From Advertisers