Davao City – Mupasang-at og kaso ang 56th Infantry Batallion batok sa New People’s Army (NPA).
Sumala sa report sa AFP kasamtangangan silang nakipagalayon karon sa Talaingod Pnp aron mapasang-at ang kaso batok sa mga lider nga ni-recruit og menor de edad aron muapil sa ilahang organisasyon.
Kahinunduman nga nitahan sa 56th infantry Batallion Philippine Army ang usa ka menor de edad.
Gitago kini sa alyas nga Melanie, 14 anyos, nga taga-Brgy. Dagohoy, Talaingod, Davao del Norte.
Sumala sa report sa AFP nga nagsilbi kining medic sa Andoy platoon sa Sub-Regional Guerilla Unit, Sub-Regional Committee 5, SMRC, NPA.
Gibutyag matud pa niini nga aduna pay pipila ka mga menor de edad nga anaa pa karon sa maong grupo sa NPA.
Sumala ni alyas Melanie nga niuban siya sa NPA niadtong Oktobre sa nakalabayng tuig human kini gisaraan nga tabangan ang ilahang pamilya nga makahaw-as sa kapobrehon.
Giturn-over na kini sa Municipal Social Welfare and Development Office (MSWDO) sa Talaingod aron ipailawom sa psychological intervention ug uban pang tabang.
RadyoMaN Aimee Guinita
